情人節感想或唔敢想......請進分享

情人節感想或唔敢想......請進分享

今日情人節, 祝各位有情人或無情人的朋友一樣咁快樂!
各位拍緊拖既朋友, 有無安排定今日既節目或禮物?
各位男仕對今日又有無恐懼症呢?(又要洗錢)
各位無花收既女仕有無少少心理壓力呢?  

又係一年一度「晒花」既時候, 各位姊妹想唔想收花呢?
可能我比較現實,收花不如折現比我好過. 自從果次我男友曾經花左半個月糧, 送束重到連我都拿唔起既花比我,搞到我插花都插左成個鐘, 一想起無啦啦比間花店賺咁多,  就越想越肉赤, 搞到連過節既mood都無埋, 男友當然比我鬧一餐, 自此佢都唔敢輕舉妄動,  送花, No way!

奉勸各位想送花既男仕, 為免吃力不討好, 加上荷包出血, 都係DIY枝花再加樣實際少少既禮物, 你女友都會讚你醒, 除非你女友係D好要面子既人, 非要fight低其他女同事不可既, 咁你唯有乖乖地幫花店做牛做馬......唔送? 都得! 不如換第個