之前唔知咩事下爬位勁生暗瘡 (唔係腸胃問題, 冇食熱氣野, 都唔係太夜瞓, 總之就係唔知咩原因), 幾個月啦, 搽極暗瘡水/膏都冇效, 好無奈 早排同好耐冇見既婆婆見到面, 佢一見我就話我啲暗瘡好犀利, 教我每朝用隔夜茶加鹽來洗臉, 我就諗住試下都冇壞, 反正屋企日日都有沖茶既習慣... 連續用左2個星期, 而家啲暗瘡差唔多消晒, 都冇咩點再生出來啦
除左用隔夜茶加鹽來洗臉之外, 我仲每日係洗完臉之後用豆腐敷面 (又係婆婆教既, 老人家好多偏方 本來係要來俾BB仔敷面去臉上既胎毒粒粒, 我見咁神BB仔用完塊面又白又滑, 就試下), 係2個星期之內, 本來好嚴重既暗瘡印, 而家淡左一半有多
有暗瘡/暗瘡印煩惱既姊妹不妨一試 方法如下:
隔夜茶加鹽:
*每朝用, 一杯隔夜茶 (約250ml)加1/4茶匙鹽攪均後洗臉, 有姊妹話美容應該用粗鹽, 不過我只係隨便用屋企煮餸用既幼鹽 (*如臉上有傷/暗瘡有損, 洗臉時會有少少乸)
*個人有時用普洱, 有時用香片 (屋企人沖開咩茶就用咩茶, 婆婆話基本上咩茶都冇所謂)
*我係就咁用隔夜茶加鹽洗臉, 唔使再用清潔用品(如洗面奶), 不過我慣左會搵清水再洗一次, 印乾水後就即時做埋豆腐mask.
豆腐敷面:
*街市買到既"林"豆腐 (應該係任何豆腐都得, 不過個人覺得"林"身既好用啲", $3左右有一舊) 每次可以cut少少出來用, 剩下既搵個盒仔收起可放入雪櫃存放幾日.
*洗完臉後將豆腐壓爛後敷上臉, 我係搵手指禁到佢一pat pat, 之後搽上面, 之後再捽(我慣左打圈咁捽, 好似搽護膚品咁), 捽到成面都白色好均勻就可以停, 敷一陣就可以洗. 唔使敷咁耐, 1~2分鍾就夠. 豆腐最好買啲"林"身既, 我試過用布包豆腐/硬身啲既豆腐, 比教難捽得開
