查看完整版本: 今天打完透明質酸

今天打完透明質酸

我覺得靚在又自然.五官突出返,個鼻有返鼻樑,有番自信.:D
有冇姊妹打過一齊分享吓

我唔係咁敢打.:24))

姊妹 之前打過未?宜家好普及.

[[i] 本帖最後由 beautygirl 於 2011-8-29 17:01 編輯 [/i]]

未打過喎 :24)) :24))

如果你未打過,而你又想打的話我可以分享我的經驗.
今次係我第一次打透明質酸, 打之前我做咗好多資料搜集. 我打過去美容院同醫務所問, 當然仲有係呢到聽下大家既意見.
我發覺大部份既美容院都好狡猾, 佢地唔會話個價錢比你知, 只係帶你遊花園叫你去試做, 同埋我真係好驚佢地又會hard sell我用其他既產品同服務 (之前做facial又太多俾人hard sell既恐怖經驗)
相對醫務所就肯話個價錢比你聽, 不過大部份都好貴. 同埋我聽人講過醫務所都未必係醫生同你打, 有d只會係注射師幫你打. 最後我決定試下呢到其中一位師姐推介既地方.
上星期五我去到既時候, 首先醫生問我想改善d咩既地方, 我話俾佢知我想整個鼻同下巴, 同時佢話我知我可以做botox瘦面, 我問佢我今次可唔可以做埋, 但醫生助手就話我知, 佢地唔會keep存貨, 如果要打要預約下次, 今次只可以打鼻同下巴. 同時佢話我知一次唔好打太多地方, 要慢慢咁變靚, 其他人先唔會發覺你做過d咩.
因為係我第一次打, 我真係好驚, 醫生個助手就不停咁同我傾談, 話我知注射完之後有d咩地方要注意. 老實講真係比我想像中無咁痛.  
醫生好仔細咁每次打少少比我睇個改變, 終於45分鐘後我人生第一次無咗果扁平鼻同圓鼻頭, 仲多咗過尖下巴, Yeah ! Yeah!
我唔敢話佢係最好既醫生, 因為我都未試過其他無得比較, 但係我想講佢真係一個好細心既醫生, 仲有就係同醫生既溝通真係好重要.
希望我既分享可以幫到其他想打又未打過既姐妹們